PSSSF Yaitambua MSD kama Mshirika Muhimu
Mfuko wa Hifadhi ya Jamii wa PSSSF umeitambua Bohari ya Dawa (MSD) kama mshirika muhimu katika kuchangia maboresho ya huduma za mfuko huo. Utambuzi huo umefanywa leo wakati wa hitimisho la wiki ya huduma kwa wateja. PSSSF imekuwa kwenye mahusiano mazuri ya kiutendaji na MSD hasa katika kuhakikisha michango ya watumishi wa MSD inawasilishwa PSSSF kwa wakati kwa kutumia mifumo mbalimbali ya kielektroniki.
Akizungumza baada ya kupokea tuzo hiyo ya kutambuliwa Meneja Huduma kwa Wateja wa MSD Bi. Gendi Machumani amesema zawadi hii inaonesha namna PSSSF inavyothamini uhusiano uliopo baina ya taasisi hizi mbili. Zawadi hii ni uthibitisho wa uhusiano bora uliopo, MSD itaendelea kufanya kazi kwa karibu na PSSSF ili kuendelea kuboresha huduma kwa wateja wa taasisi hizi.
