MSD na Sekretarieti ya SADC Wasaini Makubaliano ya Ununuzi wa Dawa, Vifaa tiba na Vitendanishi vya Maabara kwa Ajili ya Nchi za Jumuiya ya SADC.

SADC2.jpg

Katibu Mtendaji wa Sekretariet ya SADC Dkt. Stergomena L. Tax na Mkurugenzi Mkuu wa Bohari ya Dawa (MSD), Bw. Laurean Rugambwa Bwanakunu wamesaini mkataba wa makubaliano ya MSD kuwa mnunuzi Mkuu wa dawa, vifaa tiba na vitendanishi vya maabara kwa ajili ya nchi 16 wanachama wa Jumuiya ya Maendeleo  Kusini mwa Afrika (SADC).

 

Hatua hii inafuatia uteuzi wa serikali ya Tanzania kupitia Bohari ya Dawa (MSD) ulifanywa wakati wa mkutano wa SADC wa mawaziri wa Afya wa nchi wanachama, uliofanyika mwezi Novemba, 2017 nchini Afrika Kusini.

Mkurugenzi Mkuu wa MSD, Bw. Laurean Bwanakunu amesema tangu wakati huo hadi sasa wamekuwa wakishirikiana na na Sekretarieti ya (SADC) kuandaa rasimu ya mpango wa utekelezaji wa manunuzi ya pamoja yaani SADC Pooled Procurement Services (SPPS).

 

Amesema kulingana na mpango huo, uratibu wa manunuzi unaanza rasmi tarehe leo, tarehe 9/10/2018, kupitia mkataba wa makubaliano yaani Memorandum of Understanding (MoU) kati ya MSD na Sekretarieti ya SADC.

Bwanakunu ameongeza kuwa MSD itakuwa na majukumu ya kupokea mahitaji ya manunuzi ya dawa, vifaa tiba na vitendanishi vya maabara kutoka kwa nchi hizo 16 za Jumuiya ya Maendeleo ya nchi za Kusini mwa Afrika (SADC),  kununua dawa, vifaa tiba na vitendanishi vya maabara, kusimamia takwimu na taarifa za dawa pamoja na kusimamia Kanzidata (Database) ya dawa za nchi hizo.

 

Ameongeza kuwa MSD itasimamia bei elekezi ya dawa, vifaa tiba na vitendanishi vya maabara, kusimamia mfumo wa manunuzi kwa njia ya mtandao kwa nchi zote wanachama, kutoa huduma za kitaalam na kupanga bei elekezi.

MSD pia itaanzisha kitengo maalumu ndani ya kurugenzi ya manunuzi kwa ajili ya kazi hii ya ununuzi wa dawa, vifaa tiba ba vitendanishi vya maabara kwa nchi wanachama wa Jumuiya ya SADC tu.

Kwa upande wake Katibu Mtendaji wa Sekretariet ya SADC Dkt. Stergomena L. Tax ameeleza kuwa Tanzania kuwa mnunuzi mkuu wa dawa kwa nchi za Ukanda wa SADC ni heshima kubwa kwa Taifa, kuaminiwa kwa huduma bora, uwezo na kukidhi vigezo vya kitaalamu katika mnyororo wa ugavi.

SADC_5.jpg

Makubaliano hayo yameshuhudiwa na Dkt. Faraji Kasidi Mnyepe, Katibu Mkuu wa Wizara ya Mambo ya Nje na Ushirikiano wa Afrika Mashariki ambaye amesema kwamba SADC imeipa Tanzania heshima kubwa na kuichagiza MSD kuhakikisha inatekeleza majukumu yake vizuri ili isionekane kuwa SADC ilifanya makosa kuichagua Tanzania.

Ujumbe wa Serikali ya Tanzania Wafanya Mazungumzo na Sekretarieti ya SADC

SADC

Ujumbe wa serikali ya Tanzania, ukiongozwa na Katibu Mkuu Wizara ya Afya,Maendeleo ya Jamii,Jinsia,Wazee na Watoto Dkt. Mpoki  Ulisubisya ​​​​​​umefanya kikao na uongozi wa juu wa Sekretarieti ya SADC ikiongozwa na Katibu Mtendaji  wake Dkt. Stergomena L. Tax, juu ya utekelezaji wa MSD kununua dawa kwa ajili ya nchi wanachama wa Jumuiya ya Maendeleo ya nchi za Kusini mwa Africa SADC .

 

SADC.3.jpg

 

MSD iliteuliwa kuwa Manunuzi mkuu wa dawa,vifaa tiba na vitendanishi vya maabara kwa nchi 16 wanachama   kwenye mkutano wa mawaziri wa Afya wa nchi hizo uliofanyika Novemba mwaka jana(2017) nchini Afrika Kusini.

Katika kikao hicho cha siku mbili, kilichofanyika Gaborone, Botswana pamoja na mambo mengine wamekubaliana  kuwa ili MSD ianze utekelezaji huo, makubaliano kati ya MSD na Sekretariet ya SADC (MoU) inabidi yasainiwe.

 

SADC3.jpg

Kwa mujibu wa Dkt. Ulisubisya makubaliano ya awali yatasainiwa rasmi hivi karibuni. MSD na SADC wameanza  maandalizi  ya utekelezaji wa awali wa mambo waliyokubaliana  kwenye mkutano huo.

Wawekezaji Kutoka China, Watembelea Tanzania

 

Wawekezaji kutoka nchini China, ametembelea nchini Tanzania,ikiwa ni pamoja na kufika Bohari ya Dawa (MSD) kuangalia fursa za uwekezaji kwenye sekta ya viwanda vya dawa na vifaa tiba.


Mkurugenzi Mkuu wa MSD Bw. Laurean Rugambwa Bwanakunu ameeleza kuwa MSD ipo tayari kushirikiana na sekta binafsi kuanzisha viwanda vya dawa na vifaa tiba nchini na kwamba tayari kuna viwanda vilivyopo China vina mikataba na MSD ya dawa na vifaa tiba.

 

Bwanakunu amewaeleza wageni hao kuwa MSD imeteuliwa kuwa mnunuzi wa Dawa, Vifaa Tiba na Vitendanishi vya Maabara kwa ajili ya Nchi wanachama wa Jumuiya ya Maendeleo ya nchi za Ukanda wa Kusini mwa Bara la Afrika (SADC) hivyo ni fursa nzuri kwao kufanya biashara sasa.

 

 

Aidha Wawekezaji hao kutoka China, walitembelea eneo la MSD, lililotengwa kwa ajili ya mradi wa ujenzi wa viwanda vya dawa nchini, lililoko eneo la Zegereni Mjini Kibaha mkoani Pwani.

Wawekezaji hao walifika na watendaji wa Wizara ya Viwanda na Biashara  kuangalia fursa za uwekezaji  kwenye sekta mbalimbali nchini, ikiwemo sekta ya viwanda vya dawa, vifaa tiba na vitendanishi vya maabara.

 

Mkurugenzi Mkuu wa MSD, Atiliana Saini Mkataba wa Upimaji Kazi Baina ya Wakurugenzi na Wakuu wa Vitengo vyote vya MSD

 

 

Menejimenti ya MSD leo imeendesha zoezi la kutiliana saini mkataba wa upimaji kazi (Performance Contract) Mkataba huu unatekeleza mpango mkakati wa Bohari ya Dawa (MSD) wa 2017/2020.

Zoezi hili la kutiliana saini limefanyika baina ya Mkurugenzi Mkuu wa MSD Bw. Laurean R. Bwanakunu, Wakurugenzi wa Kurugenzi na Wakuu wa Vitengo vyote vya MSD.

Mkataba huu pia hutumika kusimamia na kupima utendaji kazi katika ngazi ya Kurugenzi, Vitengo na mfanyakazi mmoja mmoja ili kuleta tija na ufanisi kiutendaji.

 

 

Lock full review www.8betting.co.uk 888 Bookmaker